Ханан Ар буудлагын талбайн аюулгүй ажиллагааны дүрэм

Аливаа галт зэвсэгтэй үргэлж цэнэгтэй гэж болгоомжлон харьцана.
Галт зэвсэг буудлага үйлдэхээс бусад тохиолдолд үргэлж цэнэггүй байна.
Буудлага үйлдэхээс бусад үед гох дээр хуруу тавихгүй.
Зэвсгийн хошуу байнга аюулгүй зүгт, буудлагын үед бай руу чиглүүлнэ.
Буудлага үйлдэхдээ бай болон эргэн тойрноо байнга хянаж эрсдлээс сэргийлнэ.

Ханан Ар буудлагын талбайн ерөнхий дүрэм

Буудлагын талбайд зөвшөөрөлгүй, хяналтгүй буудлага үйлдэхийг хориглоно.
Зэвсгийг зөвхөн буудлага хийх шугам дээр буудлага удирдагч (багш, сургагчийн) зөвшөөрлөөр, аюулгүй зүгт чиглүүлэн цэнэглэнэ.
Буудлагын талбайд орж, гарч байгаа зэвсэг цэнэггүй эсэхийг шалгасан, магазин тусдаа, зэвсгийг зориулалтын хайрцаг, цүнхэнд хийсэн байна.
Буудлагын шугамаас гадна зэвсэгтэй харьцах бол зөвхөн аюулгүйн бүсэд харьцаж болно. Аюулгүй бүсэд тавцан дээр сум гаргаж тавих, зэвсэг цэнэглэхийг хориглоно.
Байлдааны сум (хуяг нэвтлэх, гэрэлтүүлэх ) хэрэглэхийг хориглоно. Гаднаас сум авч ирж буудах тохиолдолд буудлага удирдагч шаардлага хангасан эсэхийг хянаж зөвшөөрөл өгнө.
Буудлагын шугамаас урд бай солих, нөхөх бусад үйлдэл хийж байгаа үед зэвсгийг цэнэггүй болгож тавиурт тавьсан, эсхүл бууны үүрт хийсэн байна.
Нүдний шил, чихэвч байнга хэрэглэнэ.
Хөдөлгөөнд тээг болохуйц, гутал, хувцастай бол буудлагыг хязгаарлана.
Буудлагын талбай дээр согтууруулах болон мансууруулах бодис авч явах, хэрэглэхийг хориглоно. Согтуурч, мансуурсан хүнд үйлчлэхгүй.
Гаднаас шаардлага хангаагүй төмөр бай авчирч ашиглахыг хориглоно.
Буудлагын талбайд ашиглахаар авсан сумыг талбайгаас гадагш авч явахыг хориглоно. Үлдэгдэл сумыг бүртгүүлэн агуулахад үлдээнэ.
16 нас хүрээгүй иргэн буудлага үйлдэх бол өмнөөс нь хариуцлага хүлээх 21-ээс дээш настай харгалзах хүнтэй цуг байна. 12 нас хүрээгүй иргэн гар буугаар буудлага үйлдэхгүй.
Буудлагын дараа хонгио, хог зэргийг цэвэрлэн ялгаж зориулалтын саванд ангилан хаяна.
Буудлагын талбайд хог, тамхины иш ил задгай хаяхыг хориглоно.
Зөвшөөрсөн тусгай цэгт тамхи татаж болно.
Буудлагын талбайн аюулгүйн далан руу авирч гарахыг хориглоно.

ШҮҮГЧДИЙН ЗӨВЛӨГӨӨ